اغلاق
اغلاق
التصويت

هل ستصوت للقائمة المشتركة ؟

نعم

لا

الرئيسية /

الطالبة الجامعية رانية دياب من طمرة بعد إصابتها بكورونا...اليكم تجربتي...

2020-03-26 23:39:08

كتبت الطالبة رانية دياب ابنة مديمة طمرة حول تجربتها واليكم النص ...
مرحبا ...
بما انه في كثير ضبابية بموضوع الكورونا بمجتمعنا العربي فحبيت اشارك تجربتي مع المرض ، لو انها تغير من تفكير وتوجه كم فرد هذا الاشي بكون كثير ايجابي ...
ب ٢٢.٣ روحت من لندن قبل ما اروح كان عندي وجع حلق وراح بعد يوم ففكرت انه نزله برد عاديه ، وانا مروحه بالطياره بلش عندي قحه ناشفه مع اني كنت ماخذه كل الاحتياطات قبل وبعد ما امسك اي اشي كنت اعقم ايداي ، استاجرت بيت في حيفا لحتى اقضي البيدود فيو ومكنش تواصل بيني وبين اهلي بالمره وصلت البيت بتاكسي وعقمت الشنتات والمصاري قبل ما اطلع .... 
ثاني يوم فقت والقحه كانت رايحه ومكنتش حاسه ولا باي علامه من علامات المرض ، بعد ٣ سيعات بلش عندي وجع راس قوي جدا فقدت حاسه الطعم ووجع بكل العضلات بالجسم ، والقحه بتيجي وبتروح مع وجع بالصدر ...
وعملت الفحص وطلع ايجابي ، ونقلوني على اوتيل في تل ابيب يتم فيه معالجة الناس يلي حالتها خفيفة ..
الحمدلله وضعي جدا منيح ومكنتش بتواصل مع اهلي ولا مع اي حدا بهاي الفتره .. 
ونصحتي لكل حدا فيكو ، اذا بتشعرو بوجع حلق تستهتروش فيه ، المرض هيك ببلش ومش شرط يكون حم لانه عندي مكنش حم بالمره ، خليكو في بيتكم واعملو بيدود بغرفه لحالكو ومفضل حمام لحالكو ..
ما حدا يفترض انه نزله برد عاديه لانه الاحتمال اليوم تتعرض للڤيروس هو اكبر من انه تصيبك نزله برد 
العلماء عم يبحثو الفيروس بعده فش بروتوكول واضح لكيف الفيروس بتصرف وبنتقل وكل يوم منصادف مقال جديد، والحكومه عم تطلع ارشادات كل يوم بس مش هوين تطلع ارشادات بعزل كلي ، فعشان هيك  لازم نكون احنا سباقين ونفهم الصوره ونعزل حالنا بارادتنا واختيارنا الشخصي .... 
شفاء عاجل للجميع ❤️❤️
وانشاءالله الاوضاع بتتحسن بهمتنا وارادتنا 🙏🏻🙏🏻
( رجاءاً محدا يتوجه لاهلي بتلفونات الهدف من البوست التوعيه )
 
 
 
 


للمزيد من مقالات

تعليقك على الموضوع